Браконьерлар аю һәм аның баласын атып үтергән

Узган елның сентябрендә Гафури районының Игенчеләр авылы янындагы урманда ауга чыккан ике ир-егет аюны һәм аның баласын атып үтергән.
Алар аюларны агач башында саклап утырган. Узып баручы ана аю белән бала аюны ау мылтыгыннан атканнар.
Аларның бу гамәленнән килгән зыянны 240 мең сум дип исәпләгәннәр. Аучыларның машиналарына, мылтыкларына арест салынган.
Бу кешеләр гаепләрен танымаган. Аларга карата җинаять эше ачылган.