Саксызлыгы аркасында һәлак булган

Бүздәк авылында гомер кичерүче 55 яшьлек ир-егет ихатасында җиңел машинасын көйләү белән шөгыльләнгән. Автомобилен домкрат белән күтәртеп куйган. Астына кереп эшләгән вакытта, домкрат ни сәбәпледер шуып китеп, машина хуҗасы өстенә төшкән.
Мескен ир-егетнең фаҗигага таруын беркем дә күрмәгән. Якыннары тапканда, ул инде җан биргән булган. "Машина астында озак яткан", - фаҗиганы тикшерүчеләр шулай дип нәтиҗә ясаган.
Нинди эшкә тотынсак та, хәвефсезлек кагыйдәләрен төгәл үтәү хакында онытмасак иде. "Сакланганны саклармын", - дигән бит Ходай.
Чыганак: https://kiziltan.ru/obchestvo/19890-saksyzlygy-arkasynda-lak-bulgan.html