Сабый бала 350 мең сумлык зыян китергән

Уфага Курск өлкәсеннән килеп, кеше талап йөрүче бер хатын Инорс бистәсендәге бер фатирның ишеген ачтыра алган.

Җиде яшьлек бала өйдә берүзе булган. Хатын аны әнисендә каты бозым булуына ышандыра алган һәм, аны дәвалыйм дип, барлык алтын әйберләрен алган. Соңрак аларның 350 мең сумлык булуы ачыклана.

Бәхеткә, ишек алдында видеокамера булган. Чакырылмаган кунакны хокук саклаучылар бик тиз таныган һәм эзенә төшкән.

Узган елда булган бу вакыйгалар быел гына тәмамланды. Карак хатын 3,5 елга колониягә озатылды, урланган әйберләр кайтарып бирелде.

Фото: BNEWS сайтыннан.

https://kiziltan.ru/obchestvo/18124-ide-yashlek-bala-350-me-sumlyk-zyyan-kitergn.html