Телефонны кочаклап йоклау зыянлы

Мондый белдерүне Джон Хопкинс медицина мәктәбе профессоры Всеволод Полоцкий ясады, дип яза “РИА Новости”.
Белгеч фикеренчә, бу биологик сәгатьтә өзеклекләр китереп чыгарырга, йокы фазасына кире йогынты ясарга мөмкин.
«Өлкән кеше көненә 7 сәгать йокларга тиеш. Шул ук вакытта компьютерлар, iPhone яки iPad һәм башка электрон җайланмаларны йокларга ике сәгать кала кулланмаска кирәк”, — дип билгеләп үтте белгеч.
Профессор фикеренчә, үзең һәм балаң сәламәт ял итсен өчен йоклар алдыннан ашаудан һәм телефон, планшет, компьютерда "утыру”дан баш тартырга, гаджетыңны мендәр астына салып йокламаска кирәк.