-11 °С
Кар
75 лет Победы
Барлык яңалыклар
Общество
15 март 2019, 13:55

Үсентеләр утырттыгызмы?

Орлыкларны өч этапта чәчәләр. Иртә чәчү вакыты 10 февральдән 10 мартка кадәр дәвам итә.

Бу вакытта теплицалар өчен борыч, баклажан, помидор чәчелә, иртә өлгерүчән ак кәчәнле кәбестә, тамырлы сельдерей орлыклары да җиргә төшә. Үсентеләрне тәрәзә төпләрендә, җылытылган балкон һәм верандаларда үстерергә мөмкин.Икенче этап – 15 марттан 10 апрельгә кадәр. Бу вакытта уртача өлгерүчән ак кәчәнле кәбестә, помидор, борыч, баклажан, кыяр, карбыз, кавын, башлы суган, брокколи, кызыл кәчәнле, чәчкәле, Пекин һәм Брюссель кәбестәләре, аш чөгендере утыртыла. Әлеге чорда һава җылына башлаганлыктан, үсентеләрне парникларда, теплицаларда чәчәргә була. Андагы җирне тиресле салам кебек органик матдәләр белән баету файдалы.

Соңгы этап – 25 апрельдән 20 майга кадәр. Бу вакытта соң өлгерүчән кәбестә төрләре, кыяр, ташкабак, патиссон җылытылган теплицаларга, парникларга чәчелә.

Үсентеләрне 10 июнь тирәсендә генә түтәлгә күчереп утыртырга киңәш ителә.
Читайте нас в