Туган ягы Әлфия Авзаловага һәйкәл куя

"Мәшһүр җырчы һәрвакыт безнең арада һәм күңелләребездә яши. Әлфия Авзалованың исеме йөрәкләргә мәңге уелып калсын өчен Актаныш районы башлыгы Энгель Фәттахов җырчы истәлегенә һәйкәл урнаштырырга тели", - дигән "Әлфия Авзалова" китабын тәкъдим итү кичәсендә Актаныш районы башлыгы урынбасары Рәйхан Галимҗанова.

"Актаныш районы Әлфия Авзалова исемендәге фестиваль-бәйгене беренчеләрдән булып тормышка ашырды, ул уңышлы гына дәвам итә. Район Мәдәният сарае җырчының исемен йөртә. Актаныш районы Мәдәният паркында Әлфия Авзалованың бюсты урнаштырылган. Әлфия Авзалова - безнең өчен зур хөрмәткә лаеклы шәхес, татар дөньясының моң патшабикәсе ул. Без - аның җырларын тыңлап үскән буын. Ул Актанышны чиксез яратты һәм хөрмәт итте. Туган ягында үзенә көч, дәрт һәм иҗат итү өчен илһам ала иде", — дигән ул.

Чыганак: https://kiziltan.ru/ruhiyat/19217-tugan-yagy-lfiya-avzalovaga-ykl-kuya.html