Үсмерне урманда агачка бәйләп киткәннәр...

Узган елның октябрендә Бәләбәй районының бер авылында үсмер малайны урлап алы китү очрагы буенча тикшерү эшләре төгәлләнде һәм җинаять эше судка җибәрелде.

Тикшерүчеләр ачыклавынча, узган елның 19 октябрендә үз ихатасында машинасын төзәтеп йөргән ирнең салоннан кесә телефоны югала. Ул шунда ук полициягә хәбәр итә һәм, угрылыкта күршедәге 13 яшьлек үсмерне гаепләп, гариза яза.

Әмма биш көннән соң, телефонны эзләү бик сүлпән барганлыктан, ул малайга үзе җәза бирергә ниятли. Бер танышы белән малайны башта "дөресен" сөйләтергә тырыша. Үсмердән "мин урладым" дигән сүзне ишетә алмагач, аны машинага утыртып, урманга алып китәләр. Анда исә баланың авызына чүпрәк тыгып, үзен агачка бәйләп китәләр...

Бәхеткә, малай, баудан ычкынып, авылга кайта. Тикшерү барышында ирләр үз гаепләрен танымый.

Фото: Infonews.zp.ua

Чыганак: https://kiziltan.ru/obchestvo/18786-smerne-urmanda-agachka-bylp-kitknnr.html