“Борынгы Уфа” паркы булдырылачак

Әлеге проектның максаты – федераль әһәмияттәге “Уфа шәһәрчеге-II” археологик мирас объектын саклап калу һәм аны популярлаштыру.

Республикада 2006 елдан башлап әлеге объект нигезендә музей комплексы төзү мәсьәләсе тикшерелә. Ул археологик һәйкәлне саклап калуны тәэмин итү генә түгел, ә туристлар агымын җәлеп итү үзәгенә әверелергә дә тиеш иде.

IV- XIV гасырларга караучы һәйкәлләрне саклап калу һәм аларны тирәнтен фәнни өйрәнү максатында “Борынгы Уфа” тарихи-мәдәни музей-тыюлык булдырылган иде. Бүген аның фондында археологик, этнографик һәм палеонтологик коллекцияләрне үз эченә алган 6362 предмет саклана.