Сездә янамы? Бездә яна!

Алдагы алты елда бу максатка 3 миллиард 817 миллион сум тотынылачак. 2019-24 елларда республикада 140 мең яңа яктырткыч куелачак, 43 мең багана урнаштырылачак, 5 мең чакрым электр чыбыгы сузылачак.
Бу саннарны бүген республика Хөкүмәте утырышында торак-коммуналь хуҗалык министры урынбасары Юрий Палтусов яңгыратты.
— Бу мөһим һәм җитди эш, ләкин яктырткычлар куйганда мотлак рәвештә энергияне саклаучы технологияләр кулланылырга тиеш. Арытаба урамнарны яктырту муниципалитет бюджетларына өстәмә йөкләнеш булып ятмасын, — дип кисәтте республика Башлыгы вазыйфасын вакытлыча башкаручы Радий Хәбиров.
Ел азагында шәһәр һәм авылларда урамнарны яктырту дәрәҗәсе нибары 67,7 процент кына тәшкил итә иде.
Фото: Башкортстан Башлыгы сайтыннан.
Чыганак: https://kiziltan.ru/news/17840-sezd-yanamy-bezd-yana.html