Медицина сыйфатлы булырга тиеш

Округтагы Тулы вәкаләтле вәкил Игорь Комаров үткәргән утырышта Русия сәламәтлек саклау министрының беренче урынбасары Татьяна Яковлева, округ төбәкләре башлыклары, Федераль Җыелыш вәкилләре, төрле дәрәҗә дәүләт власте органнары һәм иҗтимагый оешмалар җитәкчеләре катнашты.
Игорь Комаров Русия Президенты Владимир Путин “май указлары”нда медицина ярдәме күрсәтү уңайлылыгын һәм аның сыйфатын арттыру бурычы куюын, якындагы алты елда әлеге эшнең нәтиҗәлелеге бәяләнәчәк максатлы күрсәткечләрне билгеләвен хәтергә төшерде.
Аның белдерүенчә, төбәкләрдә бу өлкәдә җитди проб­ле­малар саклана. Шуларның иң мөһиме – беренчел медицина-санитария ярдәмен һәркемнең дә алалмавы. Бүген ок­ругта 1785 торак пунктта медицина оешмасы бөтенләй юк. Проблеманы хәл итәр өчен ФАП челтәрләрен үстерер-гә, мобиль медицина комплексларын файдаланырга кирәк.
Чарада йөрәк-кан тамырлары авыруларыннан җәфа чигүчеләргә медицина ярдәме күрсәтү, төбәкләрдә табиб-онкологлар җитешмәү, дарулар тәэминаты мәсьәләләре күтәрелде.
Уңай күренешләр дә бар: ике елда округта кан әйләнеше системасы авыруларыннан үлем дәрәҗәсен – 10, сабыйлар үлемен 12 процентка киметергә мөмкин бул­ган. Халыкның гомум үлеме күрсәткече шушы чорда 5,8 процентка кимегән.