-19 °С
Болытлы
75 лет Победы
Барлык яңалыклар
Общество
1 октябрь 2018, 12:43

Уфада ата-аналарның коты очкан...

Билгесез бер хатын кыз балаларны урлый язган, имеш.

Ватсапта ата-аналар чатларына хәвефле аудио-хәбәр таралды. Имеш тә бер хатын мәктәп янына килеп, ике үсмер кызга үзен фотога төшерергә кушкан. Ул аларны акрынлап куакларга таба алып барган. Ә якында гына машинада бер ир утырган һәм автомобилнең ишекләре ачык булган.
Аудиоязмадагы тавыш балаларны кисәтергә, сак булырга чакыра. Шул ук вакытта бу хәлнең кайда булуы, билгесез. Ата-аналар арасында паника тудырган әлеге хәбәр илнең башка төбәкләрендә дә таралган.
Ялган хәбәрме ул, чыннан да буган хәлме, билгесез. Шулай да балаларның югалуы турында әледән-әле ишетелеп кенә тора. Шуңа күрә дә аларга чит кешеләр белән сөйләшмәскә, машинага утырмаска кирәклеген төшендерергә, аңлату эшләре алып барырга кирәк.
Читайте нас в