Көнчыгыш икътисади форумы республика өчен нәтиҗәле булды

Республика Хөкүмәте Премьер-министры Рөстәм Мәрданов БСТ телеканалына Владивосток шәһәрендә үткән Көнчыгыш икътисади форумы турында интервью бирде. Ул чыгышында форумның Башкортстанга йогынтысы зур булуын ассызыклады.
— Стәрлетамак шәһәрендә кальцийлаштырылган сода җитештерү заводы төзү турындагы документка “Таурус” компаниясе белән берлектә кул куйдык. Моның өчен 36 миллиард сумлык инвестиция җәлеп ителәчәк, — диде ул.
Форумга 60 илдән 6 мең кеше килде. Башкортстан делегациясе анда дистәдән артык очрашуда катнашты. Чара кысаларында моношәһәрләр үсеше, инвестицияләр җәлеп итү һәм сентябрьдә Уфада үтәчәк “Урал транспорты” халыкара форумына әзерлек турында сүз барды.