Мин дә татарча сөйләшәм!

Башкаланың "Эхо Москвы" радиосында атнасына өч тапкыр "Говорим по-татарски" тапшыруы чыга башлады.
Баш мөхәррир Алексей Венедиктов әйтүенчә, моңа кадәр радиода "Говорим по-русски" һәм украинча "Шо там у них" тапшырулары чыгып килгән.
Мәскәүдә яшәүчеләрнең сан ягыннан өченче урында торучы татарлар өчен тапшыру атнасына өч тапкыр чыгачак.
Беренче тапшыруда "капкан" сүзенең килеп чыгышы, аның төрки тамырлары турында сөйләшү булган.
Ул шактый җанлы фикер алышулар тудырган.