1 июльдән коммуналь хезмәтләргә түләү арта

Салкын су тәэминаты хезмәтләре өчен кубометрына 23,77 сум урынына 25 сум (1,23 сумга күбрәк) түләргә туры киләчәк, су бүлү хезмәте өчен 23,82 сумнан 29,78 сумга кадәр (5,96 сумга күбрәк) күтәрелә.
Җылыту 2057,45 сумга кадәр кыйммәтләнә, әлегесеннән 79,13 сумга күбрәк.
Электр плитәләре булган йортлар өчен электрның кВт-сәгате өчен 2,01 сум урынына – 2,11 сум, электр плитәләре булмаган йортларга киловатт хакы 2,87дән 3,01 сумга арта.