Благовещенда йортны җир йота язган...

Благовещенның Седов урамындагы 62 санлы йорт урнашкан территориядә җир убылган. Өй чак кына җир астына китми калган. Анда балигъ булмаган ике балалы гаилә яшәгән.
Карст чокырының тирәнлеге - 6, ә иңе-буе 9га 12 метр. Урындагы халык белдерүенчә, бу участокта элек тә шундый җир убылулар күзәтелгән, ләкин бу кадәр үк тирән түгел.
Бәхеткә, гаилә әгъзалары барысы да исән-сау, зыян күрмәгән.
Әлеге вакытта бу урында махсус хезмәтләр тикшерү алып бара.