Урланган кызны Магнитогорскида тапканнар

Башкортстан һәм Чиләбе өлкәсе тикшерүчеләре 2 атна элек югалган 5 яшьлек кызны эзләп тапты. Аны 29 яшьлек әтисе, дусты белән кереп, алып чыгып китә һәм югала. Гаиләсеннән аерылган ир баланы Магнитогорск шәһәрендә бер фатирда тота.
Кыз әнисенә тапшырылган, ә әти кешегә "Фатирга законсыз рәвештә үтеп керү" мәддәсе буенча җинаять эше кузгатылу яный.