Бу кайгы нигә?

Бәйрәмгә дип киткән балалар
Гомерләре өзелергә барганнар.
Кара төтен эчендә: „Әни, коткар безне!”, дип,
Өзгәләнеп сабыйлар елаганнар.

Әйтерсең лә сугыш заманы,
Көтмәгәндә шундый фаҗига.
Гаеплеләр алсын җәзасын,
Тәмугта күрсеннәр казасын.

Чәчкә кебек кенә чаклары,
Алда иде бөтен гомерләр.
Гамьсез, битарафлар аркасында
Сабыйлардан калды күмерләр...

Йөрәк күтәрә алмаслык хәсрәт
Килде Кемерово халкына.
Ходай сабырлыклар бирсен
Балаларын, якыннарын югалтканнарга.

Мондый фаҗигаләр аз булмады,
Тик монысы аеруча кызганыч.
Бер гаепсез сабыйларның
Гомерләре өзелүе аяныч.

Сабак булсын моннан соң
Үз эшләренә битараф булганнарга.
Мәңге сүнмәс яра булып, гомерләре буе
Әрнер йөрәкләре калганнарның...
Альмира ХӨСӘЕНОВА, Урзайбаш авылы.