+10 °С
Болытлы
75 лет Победы
Барлык яңалыклар
Общество
16 март 2018, 13:40

Һәр төбәкнең ихтыяҗлары исәпкә алынган

Республикада “Башкортстанның 100 еллыгына – 100 объект” күләмле төбәк проекты кысаларында төзелеш эшләре киң колач белән бара.

Алар арасында социаль өлкә объектлары: балалар бакчалары, мәктәпләр, спорт-савыктыру комплекслары өстенлекне алып тора. Әйтергә кирәк, проект кысаларында республика Хөкүмәтендә расланган объектларның егерме бере агымдагы 2018 ел ахырына кадәр файдалануга тапшырылачак.
Бу уңайдан шуны да билгелик: Башкортстан юбилее хөрмәтенә күтәрелүче объект­ларның бер өлешен файдалануга тапшыру 2017 елның азагында ук башланган иде. Бүздәк районы үзәгендә, мәсәлән, 150 урынлык балалар бакчасы эшли башлады. Әйтергә кирәк, бу яңалыкны Бүздәк авылының “Төньяк” бистәсе халкы олы куаныч белән кабул итте. Иң мөһиме – Башкортстанның 100 еллыгына күтәрелгән объект район үзәгендә балалар бакчаларына чиратны бетерүгә булышлык итте, димәк, яшь гаиләләргә районда демографияне яхшырту юнә­лешендә яңа мөмкинлекләр ачты.
Агымдагы ел башында “Башкортстанның 100 еллыгына – 100 объект” проекты яңа исемнәр белән тулыланды. Атап әйткәндә, Туймазы шәһәрендә “Туймазы-Арена” спорт-боз комплексының икенче чираты файдалануга тапшырылды. Нәтиҗәдә, рес-пуб­ликаның көнбатыш төбә-гендә спортның кышкы төрлә­ре – шайбалы хоккей, бозда фигуралы шуу белән шөгыль­ләнү өчен уңайлы шартлар тудырылды. “Туймазы-Арена” әлеге спорт төрләре буенча Русия күләмендә ярышлар үткәрү мөмкинлеге дә бирә.
Гомумән, “Башкортстан­ның 100 еллыгына – 100 объект” проектының географиясе киң, ул республиканың һәр районында тормышка ашырылуы белән әһәмиятле. Күп­тән түгел генә, мәсәлән, проект кысаларында төзелгән янә бер объект Илеш районында да сафка басты. Ул – Иске Күктау авылы мәдә­ният йорты. Әйткәндәй, Башкортстан Башлыгы Рөстәм Хәмитов күптән түгел төбәккә эш сә­фәре барышында бире­дә булып, яңа мәдәният йорты эшчәнлеге белән танышып чыкты.
Юбилей объектлары һәр төбәкнең эчке ихтыяҗларына тәңгәл килүе, биредәге халык мәнфәгатьләренең күздә тотылуы белән дә әһәмиятле. Бу уңайдан Әлшәй районы үзәгендә, мәсәлән, бассейнлы физкультура-савыктыру комплексы төзү планлаштырыла. Хәзерге вакытта аның проект-смета документлары әзерләнгән, яңа объектның урыны да ачыкланган. Төзе-лешне җитез темплар белән алып бару өчен бөтен мөм­кин­лекләр бар – электр, газ челтәрләре якыннан гына үтә. Бу җәһәттән шунысын да билгелисе килә: урын бик уңыш­лы сайланган – якында гына стадион, мәгариф учрежде­ниеләре дә янәшәдә генә. Монысы инде спорт объектының нәтиҗәле файдаланылачагына ныклы ышаныч бирә.
Ә менә 100 объект исем­легенә кергән Благовар районы үзәге Языково Үзәк дәваханәсенең дәвалау корпусына янкорма төзелеше хәзерге вакытта ук киң колач белән бара. Әйтергә кирәк, төзүчеләр эшне тиз тота: объект­ның нигезе салынып беткән инде, хәзер стеналар күтәрелә. Шуңа да объектның рес­пуб­ликаның 100 еллыгы бәйрәменә сафка басачагына шик юк.
Октябрьский шәһәрендә озак еллар дәвамында эчәр суга кытлык проблемасы сакланып килде. Хәлне яхшырту юнәлешендә эш берничә ел элек башланган иде. Ярмәкәй районының Иске Шах авылы янәшәсендәге Стивәнҗә елгасында сусаклагыч корылып, аннан Октябрьскийга суүткәр-геч сузылды. Аның беренче чираты файдалануга тапшырылу белән шәһәрне сыйфатлы эчәр су белән тәэмин итү яхшырды. Бу юнәлештә эш быел да дәвам иттереләчәк. Республика бәйрәме уңаен-нан Октябрьскийда күтә­релүче икенче мөһим объект – 1нче шәһәр дәваханәсенең хирургия корпусын рекон­струк­­цияләү. Илле еллап элек салынып, нык искергән бинаны яңартуда заманча техно­логияләр куллану күздә тотыла. Монысы инде шәһәрнең архитектура үзенчәлеген саклап калу мөмкинлеге дә бирә.


Читайте нас в