Республика делегациясе – Сочида

Башкортстан Башлыгы Рөстәм Хәмитов җитәкчелегендәге делегация 15-16 февральдә Сочида үтүче Русия инвестицион форумында катнаша.

Рөстәм Хәмитов “Төбәккә инвестицияләр – киләчәккә инвестицияләр” форумының пленар утырышында, Русия Хөкүмәте Рәисе Дмитрий Медведевның төбәк башлыклары белән очрашуында катнашачак, шулай ук, моношәһәрләр нигезендә алгарышлы социаль-икътисади үсеш территорияләрен булдыру турында доклад белән чыгыш ясаячак.

Форум кысаларында эре компанияләр һәм сәнәгать предприятиеләре белән инвестицион, ил төбәкләре һәм коммерция карамагында булмаган оешмалар белән хезмәттәшлек турында килешүләр төзү планлаштырыла.

Программада эшлекле очрашулар, фикер алышулар, төбәкләрне социаль-икътисади үстерү, аларның инвестицион җәлеп итүчәнлеген арттыру, төбәк бюджетларын формалаштыру, дәүләт-шәхси партнерлык механизмнарын файдалану, кече һәм урта эшкуарлыкка булышлык итү мәсьәләләре буенча “түгәрәк өстәл”ләр каралган.

Чара кысаларында оештырылган инвестицион күргәзмәдә Башкортстан икътисадына багышланган экспозиция тәкъдим ителә.

Читайте нас:

Телефон

(34773)3-20-48

Адресы

Республика Башкортостан с.Буздяк, ул.Красная площадь, 47а

Реклама хезмәте

(34773) 3-20-55

Редакция

(34773)3-20-50

Хезмәттәшлек

(34773)3-20-48

Кадрлар бүлеге

(34773) 3-20-55