Кемнәрнең хезмәт хакы артыр?

Исәпләү рәвеше үзгәрсә, эш бирүчеләргә дә, бюджетта да чыгымнарны яңадан карарга туры киләчәк. Чөнки чыгымнар күләме шактый артачак.
Республиканың гаилә, хезмәт һәм халыкны социаль яклау министры Ленара Иванова бу яңалыкка үз карашын белдерде. “Булды! Дискуссияләр тәмам. Төбәкләргә каралган өстәмә акчалар хезмәт хакының минималь күләменә кушылмаячак. Димәк, агымдагы елның беренче январыннан республикада хезмәт хакы 10912,35 сумнан да ким була алмый”, – диде ул.