Мәктәп автобуслары артты

“Балалар автобус юлда ватылып калудан, анда суык яисә пычрак булудан курыкмыйча, мәктәпкә яхшы, уңайлы шартларда йөрергә тиеш. Бу эшне дәвам итәчәкбез. Бүген республика районнарына 35 яңа автобус җибәрелде. Ел ахырына кадәр муниципалитетлар 217 автобус алачак. Бу максатларга республика бюджетыннан 242 миллион сум бүленде”, – дип яза Радий Хәбиров.
Төбәк җитәкчесе ноябрьдә үк мәгариф оешмалары балансында торган искергән транспорт проблемасына аерым игътибар бүлгән иде. Соңгы мәгълүматлар буенча, республикада 1289 мәктәп автобусы бар, шуларның 55е авария хәлендә булганга күрә файдаланылмый.
Чыганак: https://kiziltan.ru/obraz/16732-mktp-avtobuslary-artty.html