Уфада Габдулла Тукайга һәйкәл ачылачак

Рәсми ачу тантанасы Уфа «Нур» татар дәүләт театры каршындагы мәйданда иртәнге 8 сәгатькә билгеләнгән.

Бу хакта Татарстанның Башкортстандагы даими вәкиле Ранэль Зинәтуллин «Татар-информ» агентлыгына биргән интервьюсында шулай дип белдергән:

«Бу – Уфада Тукайга куелган беренче һәйкәл. Аны шушы көннәрдә урнаштырдылар инде. Һәйкәлне ачу тантанасы 18 апрельгә билгеләнгән. Һәйкәлнең нигезе генә 7 метр биеклектә. Ә гомум биеклеге, постаментны да исәпкә алып, 8 метр тирәсе. Постамент – граниттан, һәйкәл үзе бронзадан коелган. Проектны гамәлгә ашыру өчен акчаны Башкортстан Хөкүмәте бүлде. Эшкә яхшы подрядчылар җәлеп ителде, без моның өчен бик рәхмәтле».

Чыганак: https://kiziltan.ru/obchestvo/20876-ufada-gabdulla-tukayga-ykl-achylachak.html