Митхун Чакраборти, яшә!

“Ватсапп”та һинд артистының үлгән дигән хәбәре күпләрне тетрәндерде. Яшьлегебезнең чагу бер хатирәсе булган “Танцор диско”, “Танцуй-танцуй” кебек киноларда төшкән актерга 70 яшь тә юк бит әле. Шул яшьтә кеше үләргә тиешмени?

Бәхеткә, бу хәбәр чираттагы бер алдау гына булып чыкты. Баксаң, Митхуныбыз исән-имин Һиндстанында яшәп ята икән. Гаиләсе, дүрт баласы белән бәхетле гомер кичерә. Һаман да кинога төшәргә дә, бизнес белән шөгыльләнергә дә вакыт таба. Спорт белән дус. Футбол, бокс, көрәшне ярата.

Юк, мондый кеше үләргә тиеш түгел. Озак яшә, Митхун-Джимми!