Исмәгыйлов Айдар Рамил улы һәм Мамедова Эльза Мидхәт кызы

Парлы типсен мәңге йөрәгегез—мәхәббәтнең ике кояшы. Кояш кебек түп-түгәрәк булсын бәхетегез—гомер юлдашы. Бүген сезгә, бәгырькәйләр, бары шул теләк кенә—пар күгәрченнәр шикелле яшәгез гөрләп кенә!
Иң изге теләкләр белән, Кыска-Елгадан туганнарыгыз Мәгариф абыегыз, Ралия җиңгәчәгез, балалар, оныклар.
***
Кадерлеләребез Айдар һәм Эльза!
Сезне бүгенге изге, матур бәйрәмегез—никах көнегез белән ихлас тәбриклибез.
Берсен-берсе сөйгән матур парлар мәңгелеккә диеп кавыша. Күктән иңә бүген изге дога, язмышларны кушып язмышка. Бер-берегезне аңлап, саклап кына үтегез сез тормыш юлларын. Уртак итеп шатлык-сөенечне һәм бүлешеп тормыш сынавын! Күктән иңә бүген изге дога, яшь парларга теләк—тигезлек. Бәхетегез мулдан булсын сезнең, сөюегез булсын гомерлек.
Сезне яратып, әтиегез Рамил, әниегез Лүзия һәм барлык туганнарыгыз.